Blokdan ozod qilingan Twitter va Çilonzordagi daraxtkuşlik - Özbekiston hafta içida

Senatning 29-yalpi majlisida ma’qullangan «Davlat qarzi töğrisida»gi qonun bilan davlat qarzi summasining yalpi içki mahsulotga nisbatan eng yuqori miqdori 60 foizdan oşmasligi belgilangan.

Senatning 29-yalpi majlisi bir qator qonun loyihalarini rad etişi bilan yodda qoldi. Yalpi majlisida muhokama qilingan Uy-joy kodeksini «Qator moddalarda davlat organlariga çeklanmagan vakolatlar berilgan», vaji bilan takomiliga yetkaziş maqsadga muvofiq deb topildi hamda Kodeks senatorlar tomonidan rad etildi. Şuningdek, senatorlar nikohlanuvçilar tibbiy körikdan söng 1 oy kutmasdan nikohdan ötişiga doir qonun rad qilişdi.

Çilonzordagi daraxtkuşlik

Toşkent şahri rasmiylari avtomobillar 4 qator bölib yuradigan Çilonzor köçasini yana ham kengaytirişga qaror qildi. Oqibatda köçaning ikki betidagi yuzdan ortiq köp yillik daraxtlar xavf ostida qoldi. Aksariyatini eman taşkil etuvçi daraxtlar ildizlarining bir qismi qöporib taşlandi. Kun.uz muxbirining xabar berişiça, birlamçi taftişda daraxtlardan kamida 7 tasi jiddiy zararlangani, 99 ta daraxtda şikastlaniş xavfi borligi aniqlangan.

Çilonzorda köp yillik daraxtlarga ziyon yetkazilgani böyiça jinoyat işi oçilgan. Zudlik bilan çora körilmagan taqdirda daraxtlar qurişi va tabiatga 348,9 mln sömlik zarar yetişi mumkinligi soha mutaxassislari tomonidan aniqlangan.

Jinoyat va jazo

Toşkentda 14 yoşli qizni jinsiy aloqa qilişga köndirgan uç erkak muddatidan avval ozod qilingani ijtimoiy tarmoqlarda katta rezonanas keltirib çiqardi. Jinoyatçilardan biri 4 yillik qamoq jazosining 1 yilini, qolgan ikki nafari esa 2 yillik qamoq jazosining 6 oyini ötagan va şartli ravişda ozodlikka çiqarilgan.

Saida Mirziyoyeva uşbu voqeaga öz munosabatini bildirib, voyaga yetmaganlarga qarşi jinsiy jinoyatlar uçun javobgarlikni kuçaytirişga çaqirdi. «Keling, zöravonlarga emas, bolalarga ğamxörlik qilaylik», dedi u.

Abituriyent-2022

8 avgustdan boşlab oliy öquv yurtlariga kiriş uçun test sinovlari boşlanadi. Test sinovlarini ötkaziş uçun 58 ta stadion va xiyobon tayyorlangan. Bunda, 1 smenada 1 614 ta guruhda 48 420 nafar, 1 kunda (2 smenada) 3 228 ta guruhda 96 840 nafar abituriyent test sinovida iştirok etadi.

Davlat test markazi 2022-2023 öquv yili uçun abituriyentlarni onlayn röyxatga oliş yakunlari böyiça ma’lumot berdi. 2022/23 öquv yili uçun oliy ta’lim muassasalari bakalavriat ta’lim yönalişlariga öqişga kiriş uçun onlayn röyxatdan ötgan va test sinovlarida iştirok etişi belgilangan abituriyentlar soni 1 mln 146 ming 744 nafarni taşkil etdi. (Birinçi ta’lim yönalişiga nisbatan: kunduzgi — 585 669 nafar; sirtqi — 528 839 nafar; keçki — 25 369 nafar; masofaviy — 6 867 nafar).

Abituriyentlar tomonidan eng köp tanlangan oliy ta’lim muassasalari (1-ta’lim yönalişiga nisbatan):

• Özbekiston milliy universiteti — 41 577 nafar;
• Toşkent davlat pedagogika universiteti — 40 523 nafar;
• Namangan davlat universiteti — 37 267 nafar;

Respublika içidagi OTMlararo öqişni köçirişga ariza bergan, lekin rad javobini olgan fuqarolarga arizasini 10 avgustgaça qayta tahrirlaş imkoniyati berildi.

«Tabarruk ziyorat» brendi yaratiladi

Turkiy dunyo doirasida «Tabarruk ziyorat» turizm konsepsiyasi tasdiqlandi. Prezidentning «Turkiy davlatlar bilan turizm sohasidagi hamkorlikni jadal rivojlantiriş çora-tadbirlari töğrisida»gi qaroriga köra tasdiqlangan konsepsiya doirasida Toşkent, Samarqand, Buxoro, Xiva, Şahrisabz, Marğilon, Qöqon, Termiz va boşqa tarixiy şaharlarda buyuk allomalarning ilmiy va madaniy merosi töğrisida seminar, simpozium, konferensiya, ilmiy-amaliy anjumanlar ötkaziladi.

Boşqa muhim xabarlar

ŞHT davlat rahbarlarining şu yil 15-16 sentabr kunlari Samarqandda bölib ötadigan sammitida «Xitoy – Qirğiziston – Özbekiston» temiryöli qurilişi töğrisida uç tomonlama hujjat imzolanişi rejalaştirilgan. Bu temiryöl yölagining Transkavkaz yölagi bilan boğlanişi mamlakatlar örtasida yagona transport tarmoğini yaratadi va Xitoydan Yevropaga savdo geografiyasini kengaytiradi.

«Özbekiston – Ozarboyjon – Turkiya» formatidagi birinçi yiğilişda sözga çiqqan Özbekiston taşqi işlar vaziri v.b. Vladimir Norov transafğon yölagi eng yirik submintaqalar örtasida yuk taşiş vaqtini va narxini kamaytirişini ta’kidlagan. «Tolibon» harakati vakillari «Termiz – Mozori-Şarif – Kobul – Peşovar» temiryöli qurilişi loyihasini amalga oşiriş Afğonistonni qayta tiklaş uçun katta strategik ahamiyatga ega, degan fikrga kelgan.