Yakunlanib borayotgan 24 sentabr O‘zbekiston va jahonda yuz bergan turli voqea-hodisalarning eng saralari Kun.uz dayjestida.
O‘zbekiston Respublikasi fuqaroligidan mahrum bo‘lish hollariga oydinlik kiritildi
“O‘zbekiston Respublikasining fuqaroligi to‘g‘risida”gi Qonuniga kiritilgan o‘zgartish va qo‘shimchalarda respublika fuqaroligidan mahrum bo‘lish hollariga oydinlik kiritildi.
O‘zbekiston Respublikasi “Prokuratura to‘g‘risida”gi qonuniga o‘zgartish va qo‘shimchalar kiritildi
O‘zbekiston Respublikasi prokuraturasi soliq va valyutaga oid jinoyatlarga qarshi kurashish departamenti mas'uliyati kengaytirildi.
O‘zbekistonda moliyaviy piramidalarni tashkil etganlik uchun 10 yilgacha qamoq jazosi tayinlanishi mumkin
O‘zbekiston Respublikasining 1994 yil 22 sentabrda qabul qilingan Jinoyat kodeksi moliyaviy firibgarliklar orqali yirik miqdorda pul mablag‘larini va (yoki) boshqa mol-mulkni jalb etishga doir noqonuniy faoliyatga doir yangi modda bilan boyitildi.
Toshkent shahri va viloyatida doimiy propiskada bo‘lganlarning qarindoshlari propiska qilinishi mumkinmi?
2016 yil 23 sentabrda O‘zbekiston Respublikasi Prezidenti vazifasini bajaruvchi Shavkat Mirziyoyev tomonidan imzolangan “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonunning 21-moddasida Toshkent shahri va Toshkent viloyatida doimiy propiskada bo‘lganlar o‘z qarindoshlarini propiskaga qo‘yishlari mumkin yoki mumkin emasligiga oydinlik kiritilgan.
