O‘tgan hafta mobaynida xalqaro hayotda muhim voqealar sodir bo‘ldi. Ana shu xabarlarning eng muhim va qiziqarlilari haftalik dayjestda.
Rossiya prezidenti Vladimir Putin fevral oyi oxirlarida Markaziy Osiyo mamlakatlari bo‘ylab xorijiy safarini amalga oshiradi. U Tojikiston va Qirg‘izistonga, va ehtimol, Qozog‘iston va O‘zbekistonga ham tashrif buyuradi.
Boltiqbo‘yi davlatlariga AQSh armiyasining qator bo‘linmalari va harbiy texnikalari joylashtirilmoqda. Jumladan 6 fevral kuni AQSh armiyasining zirxlitank polki birinchi batalonining piyoda rotasi og‘ir texnikalari Estoniyaga yetib keldi. Aynan shu kuni AQSh armiyasi 3-brigadasining og‘ir zirhli texnika rotasining 220 dan ko‘proq harbiysi Latviyaga yetib keldi. 10 fevral kuni esa AQSh qo‘shinlarining o‘nta tanki, beshta piyodalar jangovar mashinasi, yo‘ltanlamaslar va yuk transportlari Litvaga yetkazildi.
AQSh prezidenti Donald Tramp NATO bosh kotibi Yyens Stoltenberg bilan o‘tkazgan telefon orqali muloqotidan so‘ng, tashkilot davlat rahbarlari uchrashuvida ishtirok etishga rozilik bildirdi.
Oq uy ma'muriyati, OAVda yetarlicha yoritilmagan yoki umuman xabar qilinmagan qo‘poruvchiliklar ro‘yxatini e'lon qildi. Hujjatdan unchalik ham ma'lum bo‘lmagan voqealar singari so‘nggi yillarda jahon yangiliklar tasmasida yoritilgan voqealar ham kiritilgan.
Yaponiya bosh vaziri Sindzo Abe Moskva bilan hamkorlikda Ikkinchi jahon urushidan so‘ng mamlakatlar munosabatlarida saqlanib qolgan muammolarga barham berishni
